Ang pangulo sa Grand Parade Committee nga si Brod. Hector Lapitan nanguna sa gipatawag nga tigum niadtong adlaw nga Dominggo aron sugdan na ang preparasyon sa umaabut nga Grand Parade sa tibuok Bikaryato karong Oktobre 1, 2011 ang unang kalihukan sa kasaulogan sa Parish Silver Anniversary sa Oktobre 12, 2011.
Usa sa nag-una sa gihisgutan mao ang pagpahigayon og registration sa mga sakyanan nga musalmot sa Grand Parade.
Si Brod. Hector niingon nga ang gitahasan sa registration mao ang Parish Security Group nga gipangulohan ni Brod. Sandy Adlawan.
Niingon si Brod. Hector nga magsugod ang registration karong adlaw nga Domingo, Augsto 21,2011.
Ang registration ipahigayon sa dili pa ug human na sa santos nga misa sa adlaw nga Dominggo anha sa atubangan sa simbahan. Ang maong komitiba ni-hangyo sa mga parokyano nga musalmot sa Grand Parade sa pagparehistro og sayo.
Atol sa maong tigum nga gitambongan sa PSG members gitukod usab ang sub-committees nga gilungkuban sa registration, arrangement nga gipangulohan ni Engr. John Jason Francisco sa PYCC, transportation ni Bro. Eddie Gutierrez, communicators ni Bro. Chester Abadilla sa Social Communication, mga permits ni Bro. Hector Lapitan.
Walang komento:
Mag-post ng isang Komento