Ang Ministry on Service nga gipangulohan ni Sis. Bebot Dizon nipahibawo nga niabut sa 67 ka mga parokyano sa simbahan sa Tuyan ang nakapahimulos sa gipahigayon nga Medical Mission niadtong Agusto 12, 2011, adlaw nga Biyernes didto sa sulod sa Barangay Hall sa Tuyan.
Matud pa ni Sis. Bebot sa Ministry on Service nagpasalamaton kaayo sa medical team gikan sa Salcon Power Corp. SPC sa dakbayan sa Naga sa pagpahigayon og medical mission nga nagsugod sa mga alas 9:00 hangtud sa alas 11:00 sa buntag niadtong Agusto 12.
Si Sis. Bebot niingon nga sagad sa nakapahimulos sa nahisgutang medical mission mao ang mga kabataan ug mga edad-edaran na.
Ang nipahimulos sa medical mission nadala og mga tambal ug mga vitamins sa ilang pagpauli sa ilang tagsatagsa ka mga panimalay.
Dugang pa niini nga sa umaabut nga bulan may lain pa unya silang ipahigayon nga medical mission. Jeralyn Deiparine
Walang komento:
Mag-post ng isang Komento