Parish Fluvial Procession hapsay

     Masalamaton kaayo si Fr. Alvin Codilla nga nipatalinghog ang mga parokyano sa Tuyan nga himuong solemne ang Parish Fluvial Procession aron ipatigbabaw ang kareliheyoso sa maong kalihukan sa simbahan.

     Kini tungod kay ang Parish Fluvial Procession gisaulog niadtong Disyembre 18, 2011 nga malinawon ug hapsay kay minus ra kaayo ang nisalmot nga mga parokyano nga nakainum o hubog hinungdan nga wala mabalda ang kalihukan.

    Sa labing unang higayon sa kasaysayan sa Sakaysakay nga ang kura paruko nisakay sa bangka nga gisakyan sa  sa Mahal nga Birhen sa Rosaryo gikan sa Tuyan hangtud sa Naga ug balik dinhi sa Tuyan.

     Si Fr. Alvin Codilla kinsa niduyog sa Parish Fluvial Procession nipasalamat  sa tanan nga mga parokya-no nga nikoo-perar ug nisanong sa hangyo ug katuyuan sa simbahan sa pagdili sa pag-inum ug paghuboghubog atol sa pagsakaysakay sa patrona sa simbahan.

    Samtang giklaro niini nga Sakaysakay pagtawgon na og Parish Fluvial Procession aron pagsibo sa relihiyosong aspeto sa pagsuroy sa Birhen sa Rosaryo, ang patrona sa parokya pinaagi sa dagat ngadto na sa  siyudad sa Naga.

     Si Fr. Alvin niingon nga maong lakang pinasubay usab sa tema sa simbahan karon Evangelization of Culture diin gikinahanglan ipahaum sa lagda sa simbahan ang kultura o naandam nga batasan sa taga Tuyan nga Sakay-sakay  kansang kahulogan sama og dili tinuod nga butang sama sa posil-posil.

MGA DONORS SA MANALAAN SA KABANAYAN NI MARIA:

Nestor & Gigi Sasan                                                P100

SK Chairman Justine Sasan & Lindy Sasan            P100

Mr. & Mrs. Galo Rubin                                            P100

Jhonie & Gigi Tamarra &  Family                            P100

Ms. Annie Tan                                                        P100

Gladysser Ompad                                                   P100

Nilo & Zorith Baricuatro                                          P100

Ace & Riza Gantuangco                                          P100

Ronnie & Susan Besana                                         P100  

Robert & Marites Dipompie                                     P100

Engr. James Maria                                                  P100

Rex & Mercy Solar                                                   P 50

Konsehal Kenito & Nida Tohay                                P 50

Aquilina Lara & Family                                            P 50

Junanie Francisco & Family                                    P 50

Hilda T. Sasan                                                         P 50

Poldo & Velia Abaquita                                           P 50

Enan & Delon Pardillo                                            P 50

Boy & Malou Lara                                                   P 50

Ivan & Aileen Radaza                                              P 50

Eldie & Marijene Tapdasan                                     P 50

Allan & Tasing Bartolabac                                      P 50

Konsehal Conrado & Antonietta Ubas                    P 50

Vic-vic & Pany Repollo & Family                           P 50

Konsehal Macoy & Bebie Repollo                          P 50

Milan & Mely Aro                                                   P 50

Pablito & Jonnah Alforque                                    P 50

Renante&Helen Villareal                                        P 50

Vicky Villareal                                                       P 50

Nanding & Vina Cabatas                                        P 50

Advent Recollection gipahigayon

     Mabulokon kaayo ug puno sa pagtulon-an ang gipahigayon nga Advent Recollection sa parokya niadtong Dis-yembre 12, 2011 sa gabii uban gihapon ni Fr. Nilo Igloria, usa sa mga professor sa San Carlos Seminary sa siyudad sa Sugbo ug gitambong sa kapin sa usa ka gatos ka mga parokyano sa sulod sa simbahan.

     Si Fr. Nilo nipasabut sa kamahinungdanon sa pagpangandam sa pag-abut sa batang Hesus nga naglakip sa tulo ka elemnto.

     Kini mao ang Plan diin makita ang “specific purpose” kay may rason man ang pagmata og sayo alang sa pagtambong sa misa de gallo, ikaduha ang Prapare with prayer  o pagpangandam uban ang pag-ampo diin angay nga i-attribute sa matag pag-ampo ngadto kang Birhen Maria ang inahan ni Hesus, ug ikatulo ang Pursue kun pagpadayon o paglahutay sa gimbuhaton uban ang dedikasyon o kasibut maoy esensiya sa gugma sa Ginoo sa pagpadala sa iyang bugtong anak pagluwas sa katawhan. 

  Ug gihagit niini ang tanang sa paghimo sa pinaka-”the best” ug labing maayo butang alang sa Ginoo.

      

Daghan ang nakabenepisyo sa bundles of joy sa Service Ministry

     Gipahigayon sa mga sako sa Ministry on Service ang linahi nga pagpanghatag og bundles of joy ngadto sa mga kabus nga parokyano. Niadtong tibuok adlaw nga Biyernes, Disyembre 23, 2011.

     Suma pa ni Sis. BebotDizon, ang chairperson sa Service Ministry, niingon nga 200 ka mga indigents families ang ilang gihatagan sa mga gasa halad sa mga kabus nga parokyano. 

      Sigon pa ni Sis. Bebot nga lahi kini sa naandam sanglit sila man ang muadto sa kabalayan ug pagsul-ob sila sa mga gamit sa santa claus nagpasabot sa pinaskuhan sa mga kabos gikan sa mga matinabangon nga mga parokyano nga gilangkoban sa mga bugas, noodles ug mga delata.(Gera Abadilla)

    

Misa Nobenaryo sa fiesta nagsugod na

     Gawas sa misa de gallo, nagsugod na usab misa nobenaryo alang sa kapistahan sa Mahal nga patron sa Tuyan ang Our Lady of the Holy Rosary pormal nga nagsugod niadtong Disyembre 21, 2011.

     Magsugod ang santos nga rosary sa alas 6:30 sa gabii ug ang misa nobenaryo sa alas 7:00 sa gabii.

     Si Fr. Alvin Codilla nanawagan sa parokyano nga mutambong usab sa misa nobena sanglit mao man kini ang labing importanting bahin sa pagpangandam sa mga parokyano sa kasaulogan sa fiesta sa Birhen sa Rosaryo saTuyan.

     Gawas niini may mga nagkalianlaing mga pari ang gimbitar sa parokya nga maoy musaulog sa misa nobena.

    Si Fr. Alvin nipahibawo nga tungod sa daghang ug naunang mga imbitasyon si Cebu Archbishop Jose Palma dili na makapasiugda sa Pontifical Mass.

     Hinuon si Bishop Julito Cortes, ang Auxiliary Bishop sa Archdiocese sa Sugbo maoy mangulo sa concelebrated ug Pontifical mass sa  kapistahan sa parokya karong Disyembre 30 ning tuiga.

Legion of Mary nag-pilgrim

     Mabungahon kaayo ang gipahigayon nga pilgrimage sa mga sakop sa Lehiyunaryo ni Maria dinhi sa Parokya sa Tuyan niadtong Nobyembre 26, 2011.

       Nagsugod ang pilgrimage sa mga Legionnaires dinhi sa simbahan sa Tuyan ug niadto sa Shoenstatt Shrine sa Lawaan Talisay city.

     Gisunod sa pag-adto sa mga lehiyonaryo mao ang Cebu Metropolitan Cathedral aron makita ang mga kabiling mga butang sa simbahan.  Ug gitapus kini sa pagbisita sa mga dancing inmates sa CPDRC, Kalunasan, Cebu City.

Run for Life malampuson

     Malampuson ang gipahigayon sa PYCC nga Youth: Run for Life niadtong Disyembre 17, 2011 sa alas 6:00 sa buntag nga gisalmutan usab ni ni Fr. Alvin Codilla, kinsa nakadayeg sa mga batan-on nga nilahutay sa pagdagan gikan sa Tuyan, Inayagan, Naga ug balik dinhi sa Tuyan.

     Suma pa ni PYCC president Brod. Jason Francisco nga 75 nisalmot niini. (Genevieve Francisco)

 

 

Daghan ang nakompirmahan

     Niabot sa 77 ka mga bata ang nakompirmahan atol sa gipahigayon nga confirmation sa parokya niadtong  Disyembre 17,2011 sa alas 10:00 ang takna sa buntag.

     Matud pa ni Sis. Engine Abadilla ang chairperson sa Ministry on Education nga 77 ka mga bata gipaubos gyud sa pre-confirmation seminar ubos sa kabubut-on ni Fr. Alvin

Codilla.

    Si Sis. Engine niingon nga ang nikompirma sa mga kabataan sa parokya sa sulod sa simbahan mao si Msgr. Cayetano Gelbolingo.

     Dugang pa niini nga ang confirmation maoy usa sa kalihukan sa tinuig nga kasaulogan sa kapistahan sa patrona sa parokya sa Tuyan, ang Our Lady of the Holy Rosary. (Charis Quiros)